Nyamagabe: Elayo Choir yitegura gushyira hanze alubumu mu rugendo rw’ivugabutumwa

Yanditswe na Kuwa 11/10/2019, Saa 20:56:23 Yasuwe inshuro 32

Chorale Elayo ibarizwa mu itorero ry’akarere rya Nyamagabe, ADEPR Paruwase ya Sumba ku mudugudu wa Sumba kuri uyu wa 12 Ukwakira 2019 ifite urugendo rw’ivugabutumwa irakorera mu itorero ry’akarere ka Huye muri Paruwasi ya Cyarwa.

Uru rugendo rw’ivugabutumwa barukoze mugihe bitegura kumurika DVD Album ya 2 yitwa TUGUHIMBAZE.

Umuyobozi wa Chorale Elayo Hyacinthe DUSENGE yabwiye itangazamakuru ko, icyo bashyize imbere muri iyi minsi mbere y’uko bashyira hanze iyi Alubumu DVD ya 2, bari gushyira imbaraga mu ivugabumwa bakora ingendo hirya no hino mu gihugu.

Yagize :"Tugomba kuvuga ubutumwa bwiza bwa Yesu Kristo kugera ku mperza z’Isi nk’uko Ijambo ry’Imana, ribivuga. Niyo mpamvu muri iyi minsi muri kutubona dukora ingendo cyane."

Yakomeje avuga ko abaragira amahirwe yo kuza mu ivugabumwa bafite i Cyarwa kuri uyu wa 12 Ukwakira 2019, baragira amahirwe yo kumva zimwe mu ndirimbo nshyashya ziri kuri iyi Alubumu bitegura kuzashyira ku mugaragaro.

Zimwe mu ngendo z’ivugabutumwa iyi Chorale iheruka gukora harimo uwo bakoreye i Huye mu mpera z’ukwezi kwa 3 muri Kaminuza y’u Rwanda ishami rya Huye mu Giterane cyari cyateguwe na Chorale Vumiliya.

Nyuma yaho mu kwa karindwi yari i Nyabisindu muri Muhanga, ndetse mu ntangiriro z’ukwezi kwa cyenda yari iri mu ivugabutumwa i Rutsiro mu ntara y’i Burengerazuba. Nyuma yo kuva aha i Cyarwa, mbere yo gushyira hanze Alubumu DVD ya 2 bazakorera irindi vugabutumwa mu ntara y’Amajyaruguru mu karere ka Musanze.

Iyi Alubumu DVD ya 2 igizwe n’indirimbo 10 Chorale Elayo Izayiahyira hanze mu giitaramo ngarukamwaka basanzwe bakora, kizaba mu kwezi kwa 12. Ni Alubumu Indirimbo ziryiriho, ziri mu ndimi zikoreshwa hano mu karere k’ibiyaga bigari no ku isi muri rusange.

Chorale Elayo, ikunzwe cyane mu ndirimbo yuma nka IRADUHETSE, NINA AMANI n’izindi, mu minsi ya vuba barashyira hanze izindi ndirimbo nshyashya harimo n’izizakorwaho Album yabo ya 3 y’amajwi n’amashusho.