Korali Amahoro igiye gutaramira abo mu Ngororero iminsi 2

Yanditswe na RUKUNDO Emmanuel Kuwa 2/10/2019, Saa 11:42:38 Yasuwe inshuro 161

Korali Amahoro yo mu itorero rya ADEPR Paruwasi ya Save mu itorero ry’akarere ka Gisagara, kuri uyu wa gatandatu tariki ya 5 z’ukwezi kwa 10 izaba iri mu rugendo rw’ivugabutumwa mu itorero rya ADEPR akarere ka Ngororero muri Paruwasi ku mudugudu wa Hindiro.

Umuyobozi wa Korali Amahoro Sempiga Sylvain, yabwiye itangazamakuru ko intego yabo ari ukwamamaza ubutumwa bwiza.

Ati:”Twahamagariwe gukorera Imana, niyo mpamvu tugiye mu Ngororero mu ivugabutumwa. Ndizeza abantu bazaza aho tuzaba turi ko bazabona ubwiza bw’Imana.”

Akomeza avuga ko bazagaragariza abantu bazaza aho iryo vugabutumwa rizabera, ko bazababwira uburyo Imana ikura umuntu ku Cyavu, ikamugirira neza.”

Yagize ati:” Tuzabaririmbira indirimbo zacu zirimo ubutumwa buhumuriza ubutima kandi bubayobora ku Mana, ndeste tunabahe ubuhamya tubabwire uko Imana igirira neza umuntu. Uwari warishwe n’inzara ikamugaburira, uwabuze urubyaro ikarumuha, n’ibindi….”

Mu mwaka ushize wa 2018, Korali Amahoro yashyize hanze alubumu y’amajwi n’amashusho bise Ingoma yawe.

Umva hano indirimbo Ingoma Yawe ya Korali Amahoro ADEPR Save

Muri uyu mwaka wa 2019, ku itariki ya 31 Werurwe 2019 yakoze igitaramo cyabereye ku kicaro cya Paruwasi i Save ndetse mu kwezi kwa gatanu bakoze ikindi gitaramo muri Paruwasi ya Runda mu karere ka Kamonyi, bakaba baherukaga gukorera ivugabutumwa muri Paruwasi ya Nyaruhengeri mu karere ka Gisagara aho hakijijwe abantu 52.

Ubuyobozi bwa Korali Amahoro buvuga ko abazagira amahirwe yo kwitabira ivugabutumwa bazakorera mu Ngororero, bazagira amahirwe yo kumva indirimbo nshyashya 3 baherutse gushyira hanze arizo Yakobo, Niwe wenyine, na Siyoni.

Korali Amahoro ikora ibikorwa by’urukundo nko gusura abarwayi, no gutanga ubwisungane mu kwivuza ku batishoboye. Ifite indirimbo alubumu 2 z’amajwi, n’imwe y’amashusho.

Korali Amahoro yashinzwe mu mwaka 1998, ifite abaririmbyi 38. Kuri ubu, ikaba ifite abaririmbyi 74.




      

Impossible de lire la video
Umva hano indirimbo Ingoma Yawe ya Korali Amahoro ADEPR Save

Muri uyu mwaka wa 2019, ku itariki ya 31 Werurwe 2019 yakoze igitaramo cyabereye ku kicaro cya Paruwasi i Save ndetse mu kwezi kwa gatanu bakoze ikindi gitaramo muri Paruwasi ya Runda mu karere ka Kamonyi, bakaba baherukaga gukorera ivugabutumwa muri Paruwasi ya Nyaruhengeri mu karere ka Gisagara aho hakijijwe abantu 52.

Ubuyobozi bwa Korali Amahoro buvuga ko abazagira amahirwe yo kwitabira ivugabutumwa bazakorera mu Ngororero, bazagira amahirwe yo kumva indirimbo nshyashya 3 baherutse gushyira hanze arizo Yakobo, Niwe wenyine, na Siyoni.

Korali Amahoro ikora ibikorwa by’urukundo nko gusura abarwayi, no gutanga ubwisungane mu kwivuza ku batishoboye. Ifite indirimbo alubumu 2 z’amajwi, n’imwe y’amashusho.

Korali Amahoro yashinzwe mu mwaka 1998, ifite abaririmbyi 38. Kuri ubu, ikaba ifite abaririmbyi 74.



-->