ADEPR Nyamagabe: Chorale Nzega yatumiye Siloam Choir mu birori byo gushyira kwizihiza Yubile y’imyaka 40

Yanditswe na RUKUNDO Emmanuel Kuwa 15/02/2020, Saa 13:03:53 Yasuwe inshuro 236

Iki gitaramo kizaba iminsi ibiri kuwa gatandatu tariki ya 15/2 no ku cyumweru tariki ya 16/2 ku rusengero rwa ADEPR-NZEGA/Nyamagabe.

Korali Nzega ikorera umurimo w’Imana mu itorero rya ADEPR mu karere ka Nyamagabe, Paruwasi ya ADEPR-Nzega, Umudugudu wa ADEPR-Nzega ifatanije n’ubuyobozi bwa Paruwasi Nzega ndetse n’abakirisito b’umudugudu wa ADEPR-Nzega, batwguye iki gitaramo mu rwego gushyira ku ku mugaragaro umuzingo wa mbere wa’amajwi n’amashusho.

Korari Nzega yatangiye umurimo w’ivugabutumwa mu mwaka wa 1979 itangizwa n’abakirisito bari bamaze kuva mu itorero ry’abangirikani ku Kigeme (EAR-Kigeme) babahora yuko babatijwe mu mazi menshi ubwo buyobozi butabyemera.Automatic word wrap

Amateka ya Korali Nzega

Kubw’ishyaka ryo gushaka Imana no kwamamaza ubwami bw’Imana bari bafite, nibwo abo bakirisito bari biganjemo abaturuka mu gice cya Nzega n’ahahakikije bahise biyegeranya bashinga icyumba I Nzega cyo kujya basengeramo ndetse nibwo bahise bashinga na korari Nzega.

Nyuma yo gutangiza iryo vugabutumwa I Nzega byatanze umusaruro kuko abantu barushijeho kugenda bamenya Imana maze barakizwa ari nabyo byatumye korari igenda ibona abaririmbyi bashya nuko umurimo w’Imana urakomera kandi uraguka.

Muri Mata 1994 ubwo habaga Jenoside yakorewe abatutsi, bamwe mu baririmbyi ba Korari Nzega barishwe abandi barahunga ndetse hasahurwa n’ibyuma bya korari.

Gusa abasigaye I Nzega ntabwo bacitse intege ngo bareke umurimo ahubwo bakomeje kuwukora maze I Nzega abakizwa bariyongera haboneka n’abaririmbyi bashya.

Muri 2002-2003 korari Nzega yasohoye umuzingo w’indirimbo (audio) zabo za mbere bise “Turaburira Afrika”.

Igiterane cyatumiwemo ababaye abaririmbyi ba Korari Nzega kuva yashingwa (uwo babashije kubonera contacts wese baramutumiye) ndetse hakaba haratumiwe nababaye abafatanyabikorwa bayo kuva icyo gihe kugeza uyu munsi yaba abari mu Rwanda cyangwa se abari hirya no hino ku isi mu bihugu bitandukanye.

Muri iki gitaramo kandi bazafatanya na Korari Siloam ikorera umurimo w’Imana mu itorero rya ADEPR mu mujyi wa Kigali, Paruwasi ya Gasave, Umudugudu wa Kumukenke hamwe n’abavugabutumwa bazazana nayo.