Ni iki kihishe inyuma yo kuba Sarpong atazakina umukino wa mbere w’Agaciro Tournament 2019

Yanditswe na RUKUNDO Emmanuel Kuwa 11/09/2019, Saa 16:01:13 Yasuwe inshuro 34

Michael Sarpong ukinira ikipe ya Rayon Sport, amakuru ahari aravuga ko atazakina umukino wa mbere w’Agaciro Tournament 2019

Intandaro ya byose ngo ni imvune afite mu kaguru k’indyo. Ku bw’iyi mvune uyu rutahizamu, yavuze ko atazakina umukino wa mbere mu irushanwa ry’Agaciro Tournement 2019 rizatangira taliki 13, Nzeri, 2019.

Iyi mvune ngo yayigize mu mukino Rayon Sports yakinnyemo na Mukura VS, warangiye Rayon itsinzemo ibitego 3-0.

Umuganga wita kuri Sarpong Dr Charles Mugemana yabwiye itangazamakuru ko ikibazo uyu mukinnyi afite, ari uko ababara mu kagombambari(Douleur Cheville).

Guhera taliki 13, Nzeri, 2019 mu Rwanda hazatangira imikino y’Irushanwa ryiswe Agaciro Tournement 2019 ikazabera muri sitade zitandukanye hirya no hino mu Rwanda.

Rayon Sports niyo yegukanye iki gikombe mu mwaka wa 2018, itsinze APR FC 1-0 mu mukino wa nyuma, igitego cyatsinzwe na Francois Mugisha (Master) mu minota y’inyongera.

Ikipe ya AS Kigali yo, yaje kwegukana umwanya wa gatatu itsinze Etincelles FC 2-1.

Michael Sarpong ukinira ikipe ya Rayon Sport