Myugariro wa Manchester United Luke Shaw agiye kongera amasezerano mashya

Yanditswe na AKIMANA Jean de Dieu Kuwa 15/10/2018, Saa 16:46:41 Yasuwe inshuro 292

Nk’uko BBC ibitangaza umukinnyi ukina mu bakinnyi bugarira ku ruhande rw’inyuma ibumoso mu ikipe ya Manchester United agiye kongera amasezerano yo gukomeza gukinira ikipe ikina ikiciro cya mbere mu Bwongereza.

Uyu mukinnyi ufite imyaka 23 w’umwongereza yari afite amasezerano agomba kurangirana n’impera z’umwaka w’imikino akaba agiye guhabwa andi masezerano mashya,amaze gukina imikino 75 kuva mu mwaka wa 2014 aho yaguzwe asaga miliyoni 27 z’amapawundi akoreshwa muri iki gihugu akaba yarakiniraga ikipe ya Southampton.

Iyi mikino ikaba yarakomwe mu nkoko n’imvune yagize mu kwezi kwa Nzeli 2015 ubwo ikipe ye akinira ubu yakinaga n’ikipe yo mu gihugu cy’Ubuholandi ya PSV Eindhoven mu mikino y’amakipe yabaye aya mbere iwayo (UEFA champions league ) akahavunikira amagufa abiri yo mu kuguru aho bita ku murundi.

Gusa mu ntangiriro z’imikino cya shampiyona yitwaye neza kuko yanatsinze igitego muri 2-1 batsinze Leicester City mu mikino yafunguye iri rushanwa rikunzwe na benshi ndetse ahamagarwa mu ikipe y’igihugu (The three Lions).

BBC


      

Tanga igitekerezo

-->