Kabuhariwe mu mukino w’amagare Samuel Sanchez yafatiwe ibihano

Yanditswe na RUKUNDO Emmanuel Kuwa 14/05/2019, Saa 09:51:18 Yasuwe inshuro 225

Umukinnyi kabuhariwe usiganwa ku magare Samuel Samuel Sanchez amaze guhagarikwa imyaka ibiri kubera gukoresha imiti yongera imbaraga mu mubiri.

Uyu mukinnyi w’imyaka 41 y’amavuko waherukaga kwegukana imikino olimpique ya 2008, amaze guhagarikwa imyaka 2 adakina umukino w’amagare, akaba ari ikimezo cyafashwe n’ishyirahamwe ry’umukino w’amagare ku isi, nyuma y’uko mu mwaka wa 2017 bamupimye bagasanga akoresha iyi miti yongera imbaraga mu mubiri we.

Iri ishyirahamwe ry’umukino w’amagare ku isi rikaba rivuga yirengagije amahame arigenga, n’agenga umukino w’amagare.

Samuel Sánchez González yavutse ku italiki 5 z’ukwezi kwa 2 1978 avukira mu gace Ovido akaba asiganwa ku magare nk’uwabigize umwuga kuva mu mwaka wa 2000 aho yakinaga mu ikipe ya Euskaltel- Euskadic. Muri 2013 yagiye mu ikipe ya BMC Racing kugera mu mwak wa 2014. Akaba yaragiye atwara ibihembo bitandukanye muri uyu mukino w’amagare akaba afatwa nka nimero ya mbere muri Esipanye muri uyu mukino w’amagare.

Iki gihano yahawe kikazatangira kubahirizwa ku italiki ya 16 z’ukwezi kwa 8/2019.




Rukundo Emmanuel@rwandadailynews.com

France 24