UEFA Champions league: Liverpool yanditse amateka isezerera FC Barcelona

Yanditswe na NIYOYITA Jean d’Amour Kuwa 7/05/2019, Saa 23:50:39 Yasuwe inshuro 810

Ni mu mikino y’amakipe yabaye aya mbere iwayo izwi nka UEFA Champions league aho iyi mikino igeze muri kimwe cya kabiri kuri uyu wa kabiri ikipe yo mu gihugu cy’ubwongereza ya Liverpool yasezereye ikipe ya FC Barcelona yo muri Espanye.

Ni mu mukino wo kwishura wabereye ku kibuga cy’ikipe ya Liverpool aho mu mukino ubanza, iyi kipe y’umutoza Jurgen Klopp yari yatsindiwe i Camp nou ku kibuga cy’ikipe ya Barcelona ibitego bitatu ku busa 3-0
.
Ibintu byaje guhinduka mu mukino wo kwishura aho ikipe ya Liverpool yatsinze Barcelona ibitego bine ku busa 4-0 bituma iyi kipe yo mu bwongereza ikatisha itike yo gukina umukino wa nyuma.

Uyu mukino waranzwe n’ishyaka ku mpande zombie ariko ikipe ya Liverpool ukabona ko ifite gahunda yo kwishura aho mu gice cya mbere rutahizamu wa Liverpool Divok Origi yaje kubona igitego cya mbere.

Mu gice cya kabiri iyi kipe ya Jurgen Klop yakomeje gusatira nuko umukinnyi Wijnaldum wari waje mu kibuga asimbuye atsinda ibitego bibiri ari nako Divok Origi nawe yaje gutsinda bibiri, ubwo umukino ubanza nuwo kwishyura uba ubaye ibitego bine bya Liverpool kuri bitatu bya Barcelona (4-3).

Iyi kipe ya Liverpool igeze ku mukino wa nyuma aho izahura n’ikipe izatsinda hagati ya Totenham Hotspurs na Ajax Amsterdam zizakina ku wa gatatu.
Iyi kipe ya Liverpool igeze ku mukino wa nyuma wa Champions league kabiri kikurikiranya kuko umwaka ushize yaje gutsindirwa ku mukino wa nyuma na Real Madrid iyitwara igikombe.
Si ubwa mbere ikipe ya Barcelona yishuwe ibitego bitatu kuko no mu mwaka ushize ikipe ya AS Roma yayishuye ibitego bitatu nuko AS Roma ikomereza ku gitego cyo hanze.

Umukino urangiye ikipe ya Lverpool yashimiye iniyereka abafana
Lionel Messi ahagaze yumiwe
Luiz suarez bamaze kubatsinda igitego ni uko yifashe
Origi watsinze ibitego bibiri ari hagati ya ba myugariro ba FC Barcelona

1997niyoyita@gmail.com