England Premiere League: Ikipe ya Manchester City itwaye igikombe cya shampiona, Arsenal na Man U zibura mu makipe ane ya mbere.

Yanditswe na NIYOYITA Jean d’Amour Kuwa 12/05/2019, Saa 18:43:47 Yasuwe inshuro 3755

Ni igikombe cyategereje umunsi wa nyuma wa shampiyona kigitegereje ugitwara hagati y’ikipe ya Manchester city n’ikipe ya Liverpool FC aho ikipe ya Man City yarushaga Liverpool inota rimwe, aya makipe yose akaba yaje gutsinda imikino yayo y’umunsi wa nyuma ikipe ya Manchester City iterura igikombe.

Ikipe y’Abanyamugi b’i Manchester ariyo Manchester City yegukanye igikombe cya shampiyona mu gihugu cy’Ubwongereza nyuma yo kwihaniza ikipe ya Brighton and Holve Albion iyitsinda ibitego 4-1 ku mukino w’umunsi wa nyuma w’iyi shampiyona.

Iyi kipe y’Umutoza Pep Guardiola yegukanye igikombe cya shampiyona cya gatandatu mu mateka ikaba igitwaye inshuro ebyiri yikurikiranya dore ko no mu mwaka ushize ariyo yaje kwegukana iki gikombe ikaba yongeye kucyisubiza muri uyu mwaka.

Iyi kipe itwaye igikombe ku manota mirongo icyenda n’umunani (98) aho ikpe iyikurikiye ari yo Liverpool yo yari ifite amanota 97. Uyu mutoza Pep Guardiola ni igikombe cye cya munani cya shampiyona atwaye nk’umutoza, kikaba igikombe cya gatandatu cy’ikipe ya Manchester City.

Uko Shampiyona isize Amakipe akurikirana mu Bwongereza:

Uko iyi shampiyona isize amakipe akurikirana

1997niyoyita@gmail.com