Cristiano Ronaldo yegukanye ballon d’or ya 5

Yanditswe na Ubwanditsi Kuwa 7/12/2017, Saa 22:58:59 Yasuwe inshuro 404

Umukinnyi ukomoka mu gihugu cya Portugal akaba n’umukinnyi w’inkingi ya mwamba muri Real Madrid, Cristiano Ronaldo, yegukanye igihembo cy’umukinnyi mwiza ku Isi ‘Ballon d’Or’ cya 2017 ahita anganya na mukeba we Lioneli Messi aho bombi ubu buri umwe afite eshanu.

Ronaldo yafashije Real Madrid kwegukana igikombe cya Shampiyona ya Espagne “La Liga” ayitsindiye ibitego 25 mu mikino 29; ayihesha igikombe cya UEFA Champions League ya 2016-2017 ayitsindiye ibitego 12 mu mikino 13 ndetse umwaka wose urangira atsinze ibitego birenga 42 mu marushanwa yose.

Uyu mugabo w’imyaka 32, yatowe n’ikinyamakuru France Football nk’umukinnyi wakoze ibidasanzwe mu mwaka ahigitse rutahizamu wa FC Barcelona, Lionel Messi ubundi wari usanzwe afite agahigo ko kwegukana ‘Ballon d’Or’ eshanu, amateka yari yihariye ku isi.

Mu birori byabereye mu Mujyi wa Paris ku Munara wa Tour Eiffel mu Bufaransa, ku mugoroba wo kuri uyu wa Kane, tariki ya 7 Ukuboza 2017 nibwo Ronaldo nawe yaciye aka gahigo kuri ubu na we akaba amaze kwegukana iki gihembo inshuro eshanu harimo iyo mu 2008 yegukanye agikinira Manchester United, yongera kuyitwara mu 2013 na 2014, ayisubiza mu 2016 ndetse n’uyu mwaka akaba yongeye kubikora. Ronaldo yaje ku isonga mu bakinnyi 30 batowe n’itsinda ry’abanyamakuru 173.

Messi ni we wasoje ari uwa kabiri, Neymar aba uwa gatatu, Gianluigi Buffon wa Juventus aba uwa kane ari na we munyezamu waje hafi.

Mu bandi bakinnyi ba Real Madrid bari kuri uru rutonde barimo Luka Modric waje ku mwanya wa gatanu, Sergio Ramos wa gatandatu, Marcelo ari ku wa 16, Toni Kroos uwa 17 na Karim Benzema wa 25.

Iyi Ballon d’Or ibaye iya kabiri itanzwe na France Football kuva mu 2016 iki kinyamakuru cyatandukana na FIFA mu bufatanye bwari bumaze imyaka itandatu bahuje iki gihembo n’icya FIFA World Player of the Year, nacyo gihabwa umukinnyi wahize abandi mu mwaka.

Uko abakinnyi bose bakurikiranye muri rusange:

1. Cristiano Ronaldo - Real Madrid

2. Lionel Messi - Barcelona

3. Neymar - Paris Saint-Germain

4. Gianluigi Buffon - Juventus

5. Luka Modric - Real Madrid

6. Sergio Ramos - Real Madrid

7. Kylian Mbappe - Paris Saint-Germain

8. N’Golo Kante - Chelsea

9. Robert Lewandowski - Bayern Munich

10. Harry Kane - Tottenham

11. Edinson Cavani - Paris Saint-Germain

12. Isco - Real Madrid

13. Luis Suarez - Barcelona

14. Kevin De Bruyne - Manchester City

15. Paulo Dybala - Juventus

16. Marcelo - Real Madrid

17. Toni Kroos - Real Madrid

18. Antoine Griezmann - Atletico Madrid

19. Eden Hazard - Chelsea

20. David De Gea - Manchester United

21. Leonardo Bonucci - Juventus

21= Pierre-Emerick Aubameyang - Borussia Dortmund

23. Sadio Mane - Liverpool

24. Radamel Falcao - Monaco

25. Karim Benzema - Real Madrid

26. Jan Oblak - Atletico Madrid

27. Mats Hummels - Bayern Munich

28. Edin Dzeko - Roma

29. Dries Mertens - Napolo

29= Philippe Coutinho - Liverpool

Cristiano Ronaldo anganyije amateka na Lionel Messi
Ronaldo yari aherekejwe na nyina Maria Dolores dos Santos Aveiro n’umuhungu we Ronaldo Junior
Ronaldo agize ballon d’or 5 harimo iya 2008 yatwaye akiri muri Manchester United, iya 2013, 2015, 2016 n’iyi ya 2017
Ibirori byo gutanga iki gihembo byabereye kumunara wa Eiffel Tower mu gihugu cy’u Bufaransa

      

Tanga igitekerezo

-->