Amavubi yakatishije itike yo gukina CHAN 2018

Yanditswe na Ubwanditsi Kuwa 12/11/2017, Saa 19:29:42 Yasuwe inshuro 976

Amavubi y’u Rwanda yabaonye tike yo kuzakina CHAN2018 izabera muri Maroc muri Mutarama 2018. Ibi yabigezeho nyuma yaho isezereye ikipe ya Ethiopia ,amakipe yombi anganyije 0-0 mu mukino wo kwishyura ariko ubanza Amavubi yari yatsindiye i Addis ibitego 3-2.

Umukino warangiye nta kipe irebye mu izamu gusa ni umukino waranzwe no guhererekanya no kuryohereza abafana ku ruhande rw’Amavubi, bikozwe n’abakinnyi nka Muhadjiri Hakizimana, Yannick Mukunzi na Sekamana Maxime.

Kunganya byahesheje Amavubi itike ya CHAN2018 izabera muri Maroc kuko yari yatsindiye i Addis Ababa muri Ethiopia mu mukino ubanza 3-2.

Tombola ya CHAN2018 iteganyijwe kuwa gatanu tariki 17 Ugushyingo mu mujyi wa Rabat muri Maroc .


      

Tanga igitekerezo

-->