AFCON U23: Nigeria ifite iki gikombe yisanze mu itsinda rimwe na Cote D’ivoire

Yanditswe na Ubwanditsi Kuwa 3/10/2019, Saa 15:57:02 Yasuwe inshuro 59

Mu ijoro ryo kuri uyu wa gatatu taliki ya 2 ukwakira 2019 tombola igaragaza uko amakipe azahura mu mikino ya nyuma y’igikombe cya Afurika ku bakinnyi batarengeje imyaka 23 yasize Nigeria yatwaye iki gikombe mu mwaka wa 2015 yisanze mu itsinda rimwe na Cote d’ivoire, ni tombola yabereye iAlexandria mu gihugu cya misiri ari naho iri rushanwa rizakinirwa.

Iri ni irushanwa rizatangira taliki ya 12 ugushyingo 2019 rirangire tariki ya 10 ukuboza 2019 iCairo mu gihugu cya Misiri.

Iri rushanwa rigiye kuba kunshuro yaryo ya 3, kunshuro ya 1 ryatwawe nigihugu cya Gabon hari mumwaka wa 2011 maze Nigeria nayo iraryegukana mu 2015.

Amakipe 8 yibihugu niyo azitabira iri rushanwa akaba agabanyije mu matsinda abiri (2). Amakipe nka Misiri, Mali, Cameroon na Ghana niyo yisanze mu itsinda ryambere (A) naho Nigeria ifite iki gikombe, Cote d’ivoire, South Africa na Zambia ziri mu itsinda (B).

Iyi ni imikino kandi izafasha CAF kubona amakipe atatu azahagararira umugabane wa Afurika mu mikino Olempike izaba umwaka utaha (2020) ikazabera mu Buyapani.

Hashize imyaka 2 Misiri itsindiye kwakira iyi mikino ku berako Taliki ya 23 Nzeri 2017 aribwo Misiri yemejwe nk’igihugu kizakira iyi mikino ya Afurika yibihugu kubakinnyi batarengeje imyaka 23.


Yanditswe na IRADUKUNDA KARANGWA CHRISTIAN.