Abahoze ari ba myugariro b’amavubi Katawuti na Gangi bitabye Imana

Yanditswe na Ubwanditsi Kuwa 15/11/2017, Saa 06:23:06 Yasuwe inshuro 2156

Mu rukererera rwo kuri uyu wa Gatatu ni bwo hamenyekanye amakuru ko Ndikumana Hamadi Katauti wari umutoza wungirije muri Rayon Sports, ndetse na Gangi wari umaze iminsi arwaye bombi bahoze ari ba myugariro bakomeye b’ikipe y’igihugu Amavubi ko bitabye Imana.

Katauti yari yaraye akoresheje imyitozo muri Rayon Sports
Mu kiganiro Mugemana Charles muganga wa Rayon Sports yagiranye na Kigali To day, yatangaje ko yahamagawe n’umusore ubana na Katauti, amubwira ko amurembanye ku buryo butunguranye, ariko agiye kumureba asanga amaze gushiramo umwuka

Yagize ati "Umusore babana yampamagaye ambwira ko Katauti arembye, ngo bari kumwe nta kibazo afite, ubundi amubwira ko ari kubabara mu gatuza, atangira no kubabara mu nda, aza kumuha Fanta ngo anywe arangije ahita ayiruka, akomeje kuremba ahita ampamagara"

"Nahise njya kumureba mugezeho nka Saa Sita z’ijoro nsanga aryamye ku gitanda yashizemo umwuka, nahise mpamagara ingobyi y’abarwayi ya CHUK, baje basanga yapfuye, birantungura cyane kuko yari yakoze imyitozo hamwe n’abakinnyi ubona afite imbaraga cyane nta kibazo na kimwe"

Katawuti yari ayaraye yakoresheje imyitozo muri Rayon sport

Hategekimana Bonaventure Gangi yitabye imana nyuma y’iminsi arwaye
AHagana saa cyenda ziki gitondo nibwon hamenyekanye amakuru y’urupfu rwuyu mugabo aho yari amaze amezi abiri arwariye i Butare mu bitaro bya Kabutare, hari hashize igihe abaganga basabye mushiki we wari umurwaje gutaha kuko yari arembye bityo bamujyana mu cyumba cye wenyine.

Hategekimana Bonaventure wamenyekanye cyane ku izina rya Gangi, yari umwe mu bakinnyi bakinnye mu makipe yose akomeye hano mu Rwanda arimo Rayon Sports, APR Fc, Kiyovu, ATRACO Fc, anakina kandi mu yandi makipe arimo Etincelles, Marines, Espoir, Muhanga ndetse na Musanze yashorejemo umupira kubera uburwayi.

Hategekimana Gangi yari amaze iminsi arwariye bikomeye mu bitaro bya Kabutare

Imana ibahe iruhuko ridashira


      

Tanga igitekerezo

-->