Urubanza ruregwamo Diane Rwigara n’abo mu muryango we rwongeye gusubikwa ubugira 3

Yanditswe na SAFARI Jean Bosco Kuwa 11/10/2017, Saa 09:42:32 Yasuwe inshuro 2129

Kuri uyu wa Gatatu yariki ya 11/10/2017 nibwo hasubukuwe urubanza ruregwamo bamwe mubo mu muryango wa Rwigara baburana ku ifungwa n’ifugurwa ry’agateganyo ariko ku isaa tanu zirenzeho cumi n’umwe,urukiko rwanzuye ko urubanza rusubitswe rukazasubukurwa ku wa 13/10/2017.

Ku ikubitiro nyina wa Diane Rwigara, madamu Anne Rwigara yazamuye inzitizi y’uko we atakomeza kunganirwa na Me Buhuru wunganira abakobwa be ahubwo ko asaba urukiko ko yatangira kunganirwa na Me Gatera Gashabana maze ahagana saa tatu na mirongo ine (09h40’), uyoboye inteko iburanisha avuga ko urukiko rugiye kwiherera iminota 30 rukagaruka rutangaza umwanzuro ku nzitizi zagaragajwe, kuko ari uburenganzira ahabwa n’itegeko nshinga mu ngingo ya 18.

Ku isaa tanu na 11,nibwo inteko iburanisha yagarutse mu rukiko itangaza ko urukiko rwanzuye ko urubanza rusubitswe rukazasubukurwa ku wa 13/10/2017.

Ababurana basabye ko urukiko rwategeka polisi gutanga imitungo yafatiriwe irimo amafaranga, ariko urukiko ruvuga ko ntacyemezo rwafata urubanza rutaratangira mu mizi.

Ni mu gihe no kuwa Mbere Urukiko rutabashije kubaburanisha uru rubanza ku ifungwa n’ifungurwa ry’agateganyo, kuko Me Buhuru yavuze ko atabonye imyanzuro y’Ubushinjacyaha ngo ategure urubanza.


      

Ibitekerezo ku nkuru

  • 1

    kubwimana emmanuel   |   ku wa 12/10/2017, Saa 21:51

    imana nitabare uwo muryango kuko niyo yonyine yabatabara.

Tanga igitekerezo

-->