Umujyi wa Kigali watangaje uko imihanda izakoreshwa mu nama idasanzwe ya AU

Yanditswe na Ubwanditsi Kuwa 15/03/2018, Saa 13:57:52 Yasuwe inshuro 580

Kuva ku wa 19-22 Werurwe i Kigali hateganyijwe inama idasanzwe y’umuryango w’Afurika yunzwe izitabirwa n’abakuru b’ibihugu bagera kuri 26 n’abandi bayobozi batandukanye bahagarariye za guverinoma n’ibihugu byabo.

Ni muri urwo rwego umujyi wa Kigali ubinyujije mu itangazo ryashyizweho umukono n’umuyobozi wawo Nyamurinda Pascal, wamenyesheje abatuye Umujyi wa Kigali ndetse n’abandi Banyarwanda muri rusange imihanda bazifashisha guhera tariki ya 20 kugera ku ya 23 Werurwe 2018, mu gihe u Rwanda ruzaba rwakira iyo nama.

Iri tangazo rivuga ko kubera iyi nama umuhanda uva ku Kibuga cy’Indege Mpuzamahanga cya Kigali- Remera- Kigali Convention Centre- Sopetrade- Hotel Mille Collines - Serena Hotel, uzaba ukoreshwa n’abashyitsi, bityo ukazajya ufungwa hato na hato kubandi bafite ibinyabiziga.

Abaturutse mu mujyi berekeza mu bice bya Remera na Kanombe bakoresha umuhanda: Nyabugogo cyangwa Yamaha bakerekeza Kinamba- Kacyiru-Nyarutarama- Kibagabaga-Kimironko.

Banakoresha umuhanda -Nyabugogo cyangwa Yamaha bakerekeza Kinamba- ‘Poids Lourds’- Kanogo- Rwandex- Sonatube- Niboye- Kabeza-Busanza-Kanombe.

Banakoresha kandi Nyamirambo kuri 40 bakanyura Rugunga- mu Kanogo cyangwa Gikondo- Rwandex- Sonatube- Niboye-Kabeza-Busanza-Kanombe.

Ibiteganyijwe muri iyi nama ni ukwemeza no gushyira umukono ku masezerano y’isoko ryagutse ry’umugabane wa Afurika, hakurwaho zimwe mu nzitizi zituma ibihugu bya Afurika bitabasha guhahirana uko bibyifuza.

Itangazo rigaragaza uko imihanda izakoreshwa

      

Tanga igitekerezo

-->