RCD: Agace ka Kipese kamaze igihe mu maboko y’inyeshyamba kongeye kwisubizwa n’ingabo za leta

Yanditswe na Kuwa 17/07/2017, Saa 14:17:19 Yasuwe inshuro 198

Mu gihe hari haciye igihe kinini agace ka Kipese karigaruriwe n’inyashyambaza za Maï-Maï umutwe wiyise Mazembe, Agace ka Kipese gaherereye mu ntara ya Lubero muri Nord Kivu,kongeye kwisubizwa n’ingabo za Leta binyuze mu mirwano ikaze.

Igitero gitunguranye cy’ingabo za Leta ya Congo Kinshasa FARDC, ngo zabashije gukura mu birindiro umutwe wa Maï-Maï de Mazembe wari umaze igihe warigaruriye aka gace ka Kipese.

Lieutenant Jules Ngongo, umuvugizi w’ingabo ziri mu gikorwa cyiswe Sokola 1 sud, yatangaje ko iki gitero cyari kigamije guhiga bukware inyeshyamba za Mai Mai zigaruriye agace ka Kisepe zikanabajujubya.

Lieutenant Jules Ngongo akomeza avuga ko kugeza ubu agace ka Kipese gatekanye kandi abaturage bakomeza kurindirwa umutekano bifashishije ubugenzuzi buhoraho no mu masaha ya ku manywa.

Muri Iyi mirwano ku ruhande rw’inyeshyama za Mai Mai, abarwanyi batanu bahasize ubuzima, abandi barakomereka. Ingabo za Leta ya Congo Kinshasa abagera kuri babiri baguye mu mirwano abandi babiri barakomereka.

Imiryango itari iya Leta iri muri societe civile yo mu gace ka Kipese yatangaje abaturage bari barahungiye mu duce baturanye batinye gutahuka bavuga ko inyeshyamba za Mai Mai zishobora gutera agace ka Kipese bakicwa abandi bakagwa mu mirwano

Ni inkuru dukesha Radio Okapi/ Magera Gildas

 


      

Tanga igitekerezo

-->