Icyamamamare Naomi Campbell yagaragaje ko yagiriye ibihe byiza mu mu Rwanda

Yanditswe na RUKUNDO Emmanuel Kuwa 9/09/2019, Saa 13:47:42 Yasuwe inshuro 24

Naomi Campbell umenyerewe ku Isi mu ruganda rw’imideli yasuye ingagi mu birunga ,nyuma yo kwitabira ibirori byo Kwita Izina byabaye ku wa 6 Nzeri 2019 mu Karere ka Musanze.

Naomi ni umwe mu batumiwe ku munsi ngarukamwaka wo Kwita Izina, wabaye ku wa 6 Nzeri, aho abana 25 b’ingagi bahawe amazina, mu muhango wabaga ku nshuro ya 15 mu Karere ka Musanze ahitwa mu Kinigi.

Naomi Campbell umenyerewe mu byo kumurika imideli nawe ari mu bise izina aba bana b’ingagi, aho yayise ‘Intarutwa’ nyuma ajya no kuzisura.

Abinyujije ku rukuta rwe rwa Twitter yagaragaje ibyishimo yagiriye mu Rwanda asura ingagi.

Yifashishije amafoto ari kumwe n’ingagi ati " Natembereye ngo ndebe iyi miryango itangaje.”

Naomi Elaine Campbell yavutse mu 1970, ubu afite imyaka 49. Ni Umwongerezakazi ukora umurika imideli, agakina filime ndetse ni na rwiyemezamirimo.

Yatangiye kwigaragaza cyane guhera mu 1980 kuzamura kugeza mu 1994, ndetse yari umwe banyamideli batandatu mu gisekuru cye babashije kuba ‘Super Models’

igihe