Ushobora gutsindwa urugamba ariko intambara igakomeza-Tshisekedi

Yanditswe na NIZEYIMANA Joseph Kuwa 20/12/2017, Saa 11:36:00 Yasuwe inshuro 757

Kinshasa – Abarwanya ubutegetsi bwa Kabila muri RDC baremeza ko batsinzwe igikorwa cyo gukora imyigaragambyo cyari giteganyijwe ejo kuwa kabiri, bitewe n’abapolisi b’iki gihugu babujije Félix Tshisekedi uhagarariye itsinda ry’abatavuga rumwe n’ubutegetsi gusohoka mu nzu iwe.

Mu ijambo rye yakwirakwije kurubuga rwa facebook , uyu Félix Tshisekedi yumvikanye avuga ko umuntu ashobora gutsindwa urugamba , ariko intambara igakomeza.

Hashingiwe ku itegeko nshinga ry’iki gihugu, Manda ya kabiri ari nayo ya nyuma ya Kabila imaze umwaka umwe irangiye, ku itariki ya 20 Ukuboza 2016, ariko abatavuga rumwe bagiye bategura kenshi imyigaragambyo iburizamo kongera kwiyamamaza kwe.

Mu mijyi myinshi abagerageje kwigaragambya bahitaga babibuzwa n’abapolisi, nk’i Bukavu abantu 10 bashatse kwiyegeranya , ntibabishoboye kuko bahise bahunga batinya ko bafatwa.

I Goma ho umutekano wari ukajijwe cyane kuva kuwa mbere bitewe ahanini n’inama yari iri kuhabera ihuje abaguverneurs 26 b’intara zose za RDC inama yari iyobowe na perezida wa Kongo Joseph Kabila.

Inkuru ya Radio Okapi yahinduwe na Joseph NIZEYIMANA


      

Tanga igitekerezo

-->