HRW irashinja leta ya Congo gukoresha M23 mu guhosha imyigaragambyo

Yanditswe na Ubwanditsi Kuwa 4/12/2017, Saa 16:33:04 Yasuwe inshuro 840

Umuryango uharanira uburenganzira bw’ikiremwamuntu, Human Rights Watch, uravuga ko abategetsi bo muri Repubulika iharanira demokarasi ya Congo bakoresheje abahoze ari abarwanyi b’umutwe wa M23 mu guhosha imyigaragambyo y’abatavuga rumwe na leta umwaka ushize.

Uyu muryango uravuga ko abahoze ari abarwanyi ba M23 barenga magana abiri bategetswe gukoresha ingufu zica mu guhangana n’abari mu myigaragambyo.

BBC dukesha iyi nkuru yanditse ko abantu barenga 60 baguye mu myigaragambyo itarashakaga ko Perezida Kabila aguma ku butegetsi nyuma yaho manda ye ya kabiri irangiriye mu kwezi kwa cumi na kabiri.

Ida Sawyer wo muri Human Rights Watch avuga ko ibi babibwiye n’abibyoneye ubwabo.

HRW ngo yabajije abantu barenga 120 barimo abarwanyi benshi b’umutwe wa M23 bagize uruhare muri icyo gikorwa.


      

Tanga igitekerezo

-->