Nyuma yo guhagarikwa gukora ingendo zayo, indege ya Boeing 737max igiye kongera gukoreshwa

Yanditswe na NIYOYITA Jean d’Amour Kuwa 29/05/2019, Saa 17:07:35 Yasuwe inshuro 162

Ikigo gishinzwe ingendo zo mu kirere (International Air Association IATA) cyatangaje ko indege yo mu bwoko bwa boeing 737max izongera gukora ingendo zo mu kirere mu kwezi kwa cyenda.

Iyi ndege yaje guhabwa akato mu kwezi kwa gatatu aho yaje gukora impanuka mu gihugu cya Ethiopia igahitana abagera ku 157 nyuma y’amezi atanu kandi iyi yendege ihitanye abandi bagera ku 189.

Umuyobozi w’Ikigo gishinzwe ingendo zo mu kirere (IATA) Alexandre de Juniac yatangaje ko batahita bizera ko iyi ndege yahita isubira mu kazi ko bagomba kubanza gukora ubugenzuzi bwimbitse bityo ikaba ishobora gusubira mu kirere mu kwa cyenda.

Yagize ati’’:Ntacyo twiteze mbere y’ibyumweru 12 cyangwa icumi ko yakongera gukoreshwa ariko si amaboko yacu ahubwo ni amategeko abigena".

IATA irateganya gukorana inama na kompanyi z’ubwikorezi bwo mu kirere zakoreshaga iriya ndege ndetse n’uruganda rwayikoze bitarenze mu ibyumweru bitanu kugira ngo barebere hamwe igikenewe ngo indege ya 737max igaruke mu kazi.

Iyi ndege ya boeing 737max yahawe akato nyuma yo gukora impanuka zitandukanye ndetse zihitana n’ubuzima bw’abantu ari nako kompanyi zikora ingendo zo mu kirere zahise zitangira guhagarika ingendo ziyo ndege.

Source:Reuteurs